ДЖИЛПИ (БЕРЕСКЛЕТ
БОРОДАВЧАТЫЙ)


Кёбджыллыкъ, мийиклиги 2 метрге джетген кёкенди. Кёб бутакълыды, джашил бетлиди, юсю ууакъ гуммослуду. Чапыракълары зугулдула, къысха чапыракъ бутакълада битедиле, учлары джитиледиле, къыйырлары ууакъ мычхы ауузгъа ушашдыла, ёрге джанлары джарыкъ джашил, тюб джанлары да акъсылдым бетлидиле. Гоккалары тёрт чапыракълыдыла, энлери, бир сантиметрге джетеди, джарты кюнлюкге ушашдыла, урлугъу къара бетлиди. Сентябрь айда бишеди. Чакъгъаны уа май-июнь айладады. Джилпи чегет къыйырлада, кёкен аралада, къабыргъа, тик джерледе, ёзенледе, джол джанлада ёседи.


Дарманнга бутакълары, джемиши, тамыры, чапыракълары хайырландырыладыла. Ичи иги джюрюмеген, джюреги ауругъан, сары сууу болгъан, аякълары кёбген уллу шай къашыкъ бла бир кебдирилиб джыйылгъан джилпи чапыракъны, не бутакъны, не тамырны юсюне 200 миллилитр къайнагъан сууну къуюб, шайча этиб кюнюне 50 миллилитрден 4 кере ичерге боллукъду.

 
{jcomments}