Мындан алда Черкесскеде Байрамукъланы Халимат атлы ара республикан библиотекада «Библионочь-2018» деб акция болду.
Ол саулай Россияда этиледи, бу джол джетинчи кере джыйылдыла анга. Кесин да «Магия книги» деб бардырдыла. Библиотеканы къуллукъчулары ол ишни уллу, гитче да магъана берирча къурагъан эдиле. Коллективни тамадасы, КъЧР-ни Парламентини депутаты Хапчаланы Салых, джыйылыуну ача къууанч ингирни программасы бла шагъырей этди, быллай акцияны библиотека бла шагъырей болууда, окъуучуланы творчество сезимлерин ёсдюрюуде, аланы конкурслагъа, викториналагъа къошууда себеб боллугъун чертди. Аны бла бирге бу джыйылыу Къарачай-Черкесия эмда ВЛКСМ къуралгъанлы 100 джыл, И.С. Тургенев туугъанлы 200 джыл, Россияны Миллетини биригиуюню джылы, Волонтёрланы джылы бла да байламлы болгъанын билдирди.
Черкесскеден, респуб ликаны башха шахарларындан, эллеринден келгенле да, алгъындан этилген оноугъа кёре алтыгъа бёлюнюб, бирер джерде белгиленнген ишлени этерге джарашдыла. Бирине джыйылгъанла И. С. Тургеневни «Дворянское гнездо» романыны тамалында Москвада А. П. Чехов атлы театрда салыннган спектаклни телевизоргъа алыннганына къарадыла. ВЛКСМ-ни 100-джыллыгъыны къууанчы «Не расстанусь с комсомолом - буду вечно молодым» деген ат бла информация-джарыкълыкъ халда ётдю. Анда Къарачай-Черкесиядан озгъан ёмюрню комсомолчулары эсге тюшюрюу халда сёлешдиле, джаш тёлюден бир бёлек адамны комсомолгъа алдыла, комсомол джырланы джырладыла, «Добровольцы» деген кинофильм кёргюзюлдю.
«Читательский театр» деген темагъа аталгъаннга келгенле Аппаланы Билялны «Отверженный» деген пьесасындан юзюклеге къарадыла. Аны Черкесскеде 17-чи номерли школну огъары классларыны сохталары кёргюздюле. Чыгъарманы автору да, Россия Федерацияны махтаулу артисти, КьЧР-ни халкъ артисти Ёртенланы Борис да сёлешдиле. Бу акцияда литературагъа уллу эс бёлюндю. 2017-чи джыл орус тилде чыкъгъан антологияда назмулары басмаланнган поэтле бла тюбешиу болду. Талай авторну назмуларын азбар айтдыла. Краевед С. Твердохлебовну китабына кёре «Знаете ли Вы исторический Черкесск?» деген викторинагъа кёбле къошулдула. Джангы келген китабланы кёрмючюне да сюйюб къарадыла. Библиотеканы къуллукъчулары кеслери чыгъаргъан китабланы, энди чыгъарыргъа хазырлаб тургъан къол джазмаланы юслеринден да хапар айтдыла. «Письма с фронта» деген китаб узаймай окъуучуланы къолларына тюшеригин да билдирдиле. Библиотека, къуру китабла алыб окъугъан джер болуб къалмай, маданиятны, кёбчюлюк информацияны джайыуну аралыгъы дараджада, адамланы тин, ангы джаны бла ёсюмлерине джарагъаны да ачыкъланды.
Джыйылгъанла бу затланы къурагъан коллективге бюсюреу эте чачылдыла.
Черкесскеден, респуб ликаны башха шахарларындан, эллеринден келгенле да, алгъындан этилген оноугъа кёре алтыгъа бёлюнюб, бирер джерде белгиленнген ишлени этерге джарашдыла. Бирине джыйылгъанла И. С. Тургеневни «Дворянское гнездо» романыны тамалында Москвада А. П. Чехов атлы театрда салыннган спектаклни телевизоргъа алыннганына къарадыла. ВЛКСМ-ни 100-джыллыгъыны къууанчы «Не расстанусь с комсомолом - буду вечно молодым» деген ат бла информация-джарыкълыкъ халда ётдю. Анда Къарачай-Черкесиядан озгъан ёмюрню комсомолчулары эсге тюшюрюу халда сёлешдиле, джаш тёлюден бир бёлек адамны комсомолгъа алдыла, комсомол джырланы джырладыла, «Добровольцы» деген кинофильм кёргюзюлдю.
«Читательский театр» деген темагъа аталгъаннга келгенле Аппаланы Билялны «Отверженный» деген пьесасындан юзюклеге къарадыла. Аны Черкесскеде 17-чи номерли школну огъары классларыны сохталары кёргюздюле. Чыгъарманы автору да, Россия Федерацияны махтаулу артисти, КьЧР-ни халкъ артисти Ёртенланы Борис да сёлешдиле. Бу акцияда литературагъа уллу эс бёлюндю. 2017-чи джыл орус тилде чыкъгъан антологияда назмулары басмаланнган поэтле бла тюбешиу болду. Талай авторну назмуларын азбар айтдыла. Краевед С. Твердохлебовну китабына кёре «Знаете ли Вы исторический Черкесск?» деген викторинагъа кёбле къошулдула. Джангы келген китабланы кёрмючюне да сюйюб къарадыла. Библиотеканы къуллукъчулары кеслери чыгъаргъан китабланы, энди чыгъарыргъа хазырлаб тургъан къол джазмаланы юслеринден да хапар айтдыла. «Письма с фронта» деген китаб узаймай окъуучуланы къолларына тюшеригин да билдирдиле. Библиотека, къуру китабла алыб окъугъан джер болуб къалмай, маданиятны, кёбчюлюк информацияны джайыуну аралыгъы дараджада, адамланы тин, ангы джаны бла ёсюмлерине джарагъаны да ачыкъланды.
Джыйылгъанла бу затланы къурагъан коллективге бюсюреу эте чачылдыла.
(БИЗНИ КОРР.).
{jcomments}
