Черкесскеде джашагъан (волонтёр) Байрамукъланы Руслан, фахмулу сабийлени излеб, аланы сахнагъа чакъырыб, «Быть добру» деген ат бла юч концерт къурагъан эди, тёртюнчюсю мындан алда болду. Анда джырлагъан сабийлени арасында Чагъарланы Алинагъа бек эс бёлдюле джыйылгъанла.

Алина Чагъарланы Руслан бла Олесяны юйдегилеринде 2002-чи джыл туугъанды. Гитчечик заманында да джырларгъа, тепсерге тырмашыб башлайды. Беш джылында анасы Черкесскеде миллет тепсеулени студиясына элтеди. Анда Хугаев Эдуард юретеди. Он джылында «Кавказ» деген ансамблни алчы тепсеучюсю болады. Ол коллектив бла бирге Бютеуэресей, халкъла арасы конкурслагъа къошула тургъанды. Аладан «Планета звёзд», «Мир танца», «Магия танца» дагъыда башхаланы айтыргъа боллукъду.

Ансамблде тепсегени бла къалмай, сабий музыка-эстетика школгъа джюрюб, вокал бёлюмюн бошайды. Ол а Алинагъа джырлаучуланы сафында болургъа джол ачады. Булбул ауазы, сахнада кесин ариу тутханы бла къараучуланы къууандырады. Кёб тюрлю дипломлары, грамоталары да анга шагъатдыла. Ол 17-чи школда окъуйду, аны сыйын да чыгъарады.

(БИЗНИ КОРР.).

 
{jcomments}