Семенланы Азретни джашы Ракайны «Узатама сеннге къолуму» деб биринчи назму китабы чыкъды. Биз, окъуучула, аллай затны сансыз этиб да къоюучанбыз. Бу алай этерча тюлдю. Китабда назмула керти да фахмулу джазылгъандыла, дерикме мени сартын. Китабны аллында: «Барлыкъ джеринге барыр ючюн джолгъа чыкъ», - дейди, аягъында да: «Билмегенинги юретме», - дейди. Былагъа нарт сёзле десем да уллу джангыллыкъ тюлме.

Семенланы Ракай сёзсюз да керти поэтди! Кёб ашхы, иги назмулары анга шагъатлыкъ этедиле.

Ракай къарачай назмучуланы арасында бюгюннге дери иги белгили болмай келгенди. Бу китабы ол кемликни тюзетир деб, акъылым алайды. Авторну башын ёрге кёлтюрген, джашаргъа да, джазаргъа да кёллендирген, къууанч да, джарсыу да сынатхан поэтиканы ариу хауасыды. Ол хауа къарт атасы Джырчы Смайылдан, атасы Азретден келеди. Бу да алагъа ушаш болургъа тырмашады.

Китабда биринчи назмусунда огъуна былай джазады:

Кёб кечени кёз къысмай

Ашыргъанма, ашырама джукъусуз.

Бу айтханына толу ийнандырадыла чыгъармалары. Алай кюрешмесе, окъуучуланы кёллерине джеталлыкъ тюл эди.

Сылпагъарланы Орусбий.

Даусуз эл.

 
{jcomments}