Быйыл никкол (июнь) айны 25-де къарачай-малкъар джаш тёлюден 28 адам болуб Минги Таугъа чыкъгъан эдиле.
Ала тауну эки башына да ёрлегендиле: къызла кюнбатыш, джашла уа кюнчыгъыш джанларына. Бу ишни ала, Минги Таугъа 1829-чу джыл биринчи болуб чыкъгъан Хачирланы Хыйсагъа, Джаппуланы Джатчыгъа, Сотталаны Ахиягъа эмда бютеу къарачай-малкъар миллетге атаб бардыргъандыла.
Мындан алгъа, Къарачай шахарда Къулийланы Къайсын атлы маданият аралыкъны кенг залында Минги Таугъа чыкъгъан джашла бла къызланы сыйларына аталыб къууанч джыйылыу болду. Ары иги кесек адам келген эди. Аланы арасында белгили джамагъат къуллукъчула, малкъардан келген къонакъла, шахарчыла дагъыда башхала бар эдиле.
Къууанч башланнганында эм биринчи сёзню, бу ишге башчылыкъ этген, кеси да ючюнчю кере Минги Таугъа чыкъгъан таулу къызгъа, Хубийланы Марикагъа, бердиле. Ол, аны биргесине баргъанлагъа разылыгъын билдириб сёлешди. Андан сора, Минги Таугъа чыкъгъан джашла-къызла Хубийланы Мариканы къолундан Махтау къагъытла бла медалла алдыла. Джыйылгъан джамагъат бу джаш адамлагъа къууаннганларын билдире талайны харс уруб турдула.
Былайда аланы атларын да айтсакъ дурус болур, ала: Гузоланы Асхат, Алтуланы Аслан, Джаппуланы Фатима, Джашууланы Салима, Асанланы Зухра, Хабичланы Рита, Хабичланы Ислам, Кърымшаухалланы Шамил, Батчаланы Шамил, Рахайланы Диана, Боташланы Диана, Алтуланы Амина, Алтуланы Хызыр, Байрамукъланы Нурсий, Къазакъланы Артур, Хубийланы Таулан, Катчиланы Таулан, Бостанланы Ибрагим, Байчораланы Кемал, Гузоланы Рашид, Эриккенланы Расул, Орусланы Аслан, Баппиналаны Зелимхан, Аджиланы Мариям, Балаланы Мариям, Акъбайланы Мадина, Батырланы Мурат.
Ызы бла сахнагъа белгили джамагъат-политика къуллукъчу, Хачир тукъумну башчысы, Хачирланы Магомет чыкъды. Ол да кёлюне келгенни айтыб, Минги Таугъа чыкъгъан джаш тёлюге бек магъаналы иш этгенлерин чертди.
Байрамгъа келгенлени арасында, халкъыбызны белгили адамларыны бири, къарачай тукъумлу атланы айнытыугъа уллу юлюшюн къошхан, КъЧР-ни эл мюлкюню махтаулу къуллукъчусу Орусланы Кълыч-Герий да бар эди. Ол кеси да 1998-чи джыл къыркъыр (август) айны 12-де талай джаш болуб къарачай тукъумлу атла бла, биринчи кере, Минги Таугъа чыкъгъан экспедициягъа башчылыкъ этгенди. Кълыч-Герийге сёз берилгенинде, залдагъыла ёрге туруб, харс уруб аны алай чыгъардыла сахнагъа.
- Ассалам алейкум, багъалы джамагъат! 1998-чи джыл атла бла Минги Таугъа чыкъгъаныбызгъа бек къууаннган эдик. Мен сабий заманымда: «Бурун таулу къыз ат бла Минги Таугъа чыгъыб ызына къайталмай къалгъан эди», - деб бир хапарны эшитген эдим. Сора ол къызны юлгюсю бла, Аллах буюрса Минги Таугъа чыгъарбыз деб мурат этген эдим. Айтханыбызча да этдик. Ма, бюгюн бу джаш адамла, къыйын болгъанына да къарамай, Хубийланы Марика башчылары болуб, бек аламат ишни этгендиле. Мындан ары была салгъан сокъмакъны «къар басмай» турсун, - деди Орус улу.
Джыйылгъанла заманларын джарыкъ ётдюрюрча, белгили джырчыларыбыз Батчаланы Таулан, Айбазланы Мусса, Джуккаланы Рашид, Байрамукъланы Тимур, Эдиланы Руслан ариу джырлаб адамланы кёзлерин ачдыла.
Къууанч тамамланнганында джамагъат чачылыб къалмай, бирле суратха тюше, башхала бир-бирлери бла таныша кёб заманны ол ариу маданият аралыкъдан кетмей турдула. Хубийланы Марикагъа бу ишни башлагъаны ючюн кёбле джюрек разылыкъларын билдире эдиле.
Тюзюн айтыргъа, мен бек сейирсиндим джаш адамланы Минги Таугъа чыкъгъанларына, артыкъ да бек къызлагъа. Къыйын болгъанына да къарамай, джашла бла къызла башхалагъа ашхы юлгю кёргюзгендиле. Была къарачай-малкъар миллетни атын айтдыргъан бла къалмай, джигитлик этгендиле десем джангыллыкъ болмазма. Ким биледи, мындан ары Минги Таугъа чыгъыу джаш тёлюню арасында ашхы адет болуб кирлик эсе уа?!
Мындан алгъа, Къарачай шахарда Къулийланы Къайсын атлы маданият аралыкъны кенг залында Минги Таугъа чыкъгъан джашла бла къызланы сыйларына аталыб къууанч джыйылыу болду. Ары иги кесек адам келген эди. Аланы арасында белгили джамагъат къуллукъчула, малкъардан келген къонакъла, шахарчыла дагъыда башхала бар эдиле.
Къууанч башланнганында эм биринчи сёзню, бу ишге башчылыкъ этген, кеси да ючюнчю кере Минги Таугъа чыкъгъан таулу къызгъа, Хубийланы Марикагъа, бердиле. Ол, аны биргесине баргъанлагъа разылыгъын билдириб сёлешди. Андан сора, Минги Таугъа чыкъгъан джашла-къызла Хубийланы Мариканы къолундан Махтау къагъытла бла медалла алдыла. Джыйылгъан джамагъат бу джаш адамлагъа къууаннганларын билдире талайны харс уруб турдула.
Былайда аланы атларын да айтсакъ дурус болур, ала: Гузоланы Асхат, Алтуланы Аслан, Джаппуланы Фатима, Джашууланы Салима, Асанланы Зухра, Хабичланы Рита, Хабичланы Ислам, Кърымшаухалланы Шамил, Батчаланы Шамил, Рахайланы Диана, Боташланы Диана, Алтуланы Амина, Алтуланы Хызыр, Байрамукъланы Нурсий, Къазакъланы Артур, Хубийланы Таулан, Катчиланы Таулан, Бостанланы Ибрагим, Байчораланы Кемал, Гузоланы Рашид, Эриккенланы Расул, Орусланы Аслан, Баппиналаны Зелимхан, Аджиланы Мариям, Балаланы Мариям, Акъбайланы Мадина, Батырланы Мурат.
Ызы бла сахнагъа белгили джамагъат-политика къуллукъчу, Хачир тукъумну башчысы, Хачирланы Магомет чыкъды. Ол да кёлюне келгенни айтыб, Минги Таугъа чыкъгъан джаш тёлюге бек магъаналы иш этгенлерин чертди.
Байрамгъа келгенлени арасында, халкъыбызны белгили адамларыны бири, къарачай тукъумлу атланы айнытыугъа уллу юлюшюн къошхан, КъЧР-ни эл мюлкюню махтаулу къуллукъчусу Орусланы Кълыч-Герий да бар эди. Ол кеси да 1998-чи джыл къыркъыр (август) айны 12-де талай джаш болуб къарачай тукъумлу атла бла, биринчи кере, Минги Таугъа чыкъгъан экспедициягъа башчылыкъ этгенди. Кълыч-Герийге сёз берилгенинде, залдагъыла ёрге туруб, харс уруб аны алай чыгъардыла сахнагъа.
- Ассалам алейкум, багъалы джамагъат! 1998-чи джыл атла бла Минги Таугъа чыкъгъаныбызгъа бек къууаннган эдик. Мен сабий заманымда: «Бурун таулу къыз ат бла Минги Таугъа чыгъыб ызына къайталмай къалгъан эди», - деб бир хапарны эшитген эдим. Сора ол къызны юлгюсю бла, Аллах буюрса Минги Таугъа чыгъарбыз деб мурат этген эдим. Айтханыбызча да этдик. Ма, бюгюн бу джаш адамла, къыйын болгъанына да къарамай, Хубийланы Марика башчылары болуб, бек аламат ишни этгендиле. Мындан ары была салгъан сокъмакъны «къар басмай» турсун, - деди Орус улу.
Джыйылгъанла заманларын джарыкъ ётдюрюрча, белгили джырчыларыбыз Батчаланы Таулан, Айбазланы Мусса, Джуккаланы Рашид, Байрамукъланы Тимур, Эдиланы Руслан ариу джырлаб адамланы кёзлерин ачдыла.
Къууанч тамамланнганында джамагъат чачылыб къалмай, бирле суратха тюше, башхала бир-бирлери бла таныша кёб заманны ол ариу маданият аралыкъдан кетмей турдула. Хубийланы Марикагъа бу ишни башлагъаны ючюн кёбле джюрек разылыкъларын билдире эдиле.
Тюзюн айтыргъа, мен бек сейирсиндим джаш адамланы Минги Таугъа чыкъгъанларына, артыкъ да бек къызлагъа. Къыйын болгъанына да къарамай, джашла бла къызла башхалагъа ашхы юлгю кёргюзгендиле. Была къарачай-малкъар миллетни атын айтдыргъан бла къалмай, джигитлик этгендиле десем джангыллыкъ болмазма. Ким биледи, мындан ары Минги Таугъа чыгъыу джаш тёлюню арасында ашхы адет болуб кирлик эсе уа?!
САЛПАГЪАРЛАНЫ Умар.
{jcomments}
