МВД-ны ведомстводан тышында къарауулукъ этген къуллугъуну Черкесскеде бёлюмюню келечилери «Ачыкъ эшиклени кюнюн» баямлаб, республиканы ара шахарындан сабийлеге къонакъбайлыкъ этгендиле.

Ол иш «Каникулы с Росгвардией» деген ат бла ведомство бардыргъан акцияны тамалында, Эресей гвардия къуралгъанлы 100 джыл болгъанына, закон-джорукъ сакълаучу аскерлеге 215 джыл толгъанына аталыб бардырылгъанды.
Эресейгвардиячыла къонакълагъа ведомство къачан, къалай къуралгъаныны, аны баш борчларыны, этген ишлерини юсюнден терен хапар айтхандыла. Сохтала аланы ушакъларына эс ийиб тынгылагъандыла, ишчи кийимлери бла шагъырей болгъандыла, ишлеген джерлеринде хар неге къараб чыкъгъандыла.
Къонакъбайла да джаш адамлагъа объектлени сакълау къалай къуралгъаныны юсюнден айтыб, аланы къуллукълары бла байламлы берилген соруулагъа тынгылы джууабла бериб баргъандыла.
Тюбешиуню аягъында устазла бла сохтала закон-джорукъ сакълаучулагъа, аллай сейир экскурсия этдиргенлери ючюн, разылыкъларын билдиргендиле.

Коваленко А.,
Эресей гвардияны джергили управлениесини пресс-къуллугъуну джууаблы толтуруучусу.