Халкъланы биригиулерини кюню байрам бла алгъышлайма сизни. Халкъны бирлиги бла патриотизми хар заманда Эресейни кючлю этиб келгендиле. Таукелликлери, тин-иннет бирликлери, адет, намыс шартлары бизни буруннгуларыбызгъа не къыйын сынауланы да сый бла онгларгъа, баш эркинликли энчи кърал къураргъа болушхандыла.
Биз махтаулу тарихибизге керти болуб, Ата джуртха халал къуллукъ этгенлени унутмазгъа керекбиз. Хар заманда алгъа таукел барыргъа, этген муратларыбызгъа джетер ючюн кюреширге керекбиз.
Джетишимле, саулукъ эмда ашхылыкъла теджейме сизге.
Эресей Федерацияны Президенти В. Путин.
Ата джуртха сюймеклигибиз учундуруб
Халкъланы биригиулерини кюню бла алгъышлайма сизни. 1612-чи джылны абыстол айыны 4-сю тюрлю-тюрлю халкъланы тюрлю-тюрлю иннетли адамлары душманнга къаршчы къалай бирикгенлерин, къыйын заманланы къалай онглагъанларын, бизни къраллыгъыбызны къалай сакълагъанларын эсге салгъан магъаналы тарих кюндю. Арадан ненча ёмюр ётген эсе да, Ата джуртха сюймеклигибиз, аны джазыуу ючюн джууаблылыгъыбыз бизни барыбызны да бирикдиргенлей, не уллу табсызлыкъланы да хорларгъа, не къыйын борчланы да этимли толтурургъа болушханлай келедиле.
Бирлешиб джигер кюрешгенибизни кючюнден Эресейни джангы хорламлагъа джетеригине мен толу ийнанама. Сизни барыгъызгъа да саулукъ-эсенлик, джетишимле эмда ашхылыкъла теджейме.
Эресей Федерацияны Правительствосуну Председатели Д. Медведев.
Эресейни къраллыгъын къурагъандыла
Эресейни халкъы Ата джуртну къоруулар ючюн бириге билгенин кёб кере кёргюзгенди. Кёб тёлюню джигитлиги бла патриотизми Эресейни азатлыгъы бла бойсунмаууну кючлю тамалын къурагъандыла.
Бизни халкъыбыз кесини бир иннетлилигин, адетлери бла тин-иннет бирлигин сакълауну юсю бла боллукъду бусагъатхы къыйын дунияда этген муратларына джетерге, заманны чакъырыуларына тыйыншлы джууаб берирге.
Эресейни джашнатыр эмда социал-экономика ёсюмюн къатлар ючюн керти кёлюбюз бла биригиб къалай кюрешгенибизге кёре боллукъду аны келир заманы. Уллу джетишимле, мамырлыкъ эмда ашхылыкъла теджейме мен сизге!
РФ-ны Халкъ Джыйылыууну Федерация Советини Председатели В. Матвиенко.
Джууаблылыкъны ангылауну белгиси
Бу байрам бизни - эресейчилени - буруннгу джигит аскерчилерибизге, урунууда алчы болгъан джигерлерибизге сый-багъа берген; миллетлерибизни бирикдирген; бюгюнюбюзге эмда тамблабызгъа оюм этдирген; джюреклерибизде джууаблылыкъны ёсдюрген байрамды.
Бу сыйлы байрам бла сизни алгъышлайма! Барыгъызгъа да саулукъ-эсенлик, насыб эмда джетишимле теджейме!
РФ-ны Президентини Администрациясыны Башчысы А. Вайно.
Хорламгъа элтген кючле
Джамагъат келишмеклик бла бирикмеклик – ма была кеслерин келир заманнга уулаб алгъа уруб баргъан, Эресейни кючюн къатлагъан, аны ёсюмню джолу бла элтген кючле болгъанлай келедиле.
Сизни байрам бла алгъышлайма! Барыгъызгъа да саулукъ-эсенлик, насыб эмда джетишимле теджейме!
РФ-ны Кърал Думасыны Председатели В. Володин.
Рахатлыкъ эмда ашхылыкъла теджейме
Халкъланы биригиулерини кюню бла таза джюрегимден исси алгъышлайма сизни! Бу байрам бизни кёб миллетли эресейчи халкъыбызны бирлигини кючлюлюгюн, аны буруннгуларыбызны адетлерине кертилигин, бизни махтаулу тарихибиз, джетишимлерибиз эмда хорламларыбыз бла байламлы болгъанын кёргюзеди.
Барыгъызгъа да кючлю саулукъ, насыб, рахатлыкъ эмда ашхылыкъла теджейме!
РФ-ны Президентини ШКФО-да Толу эркинликли келечиси А. Матовников.
