Мындан алда Къарачай-Черкес Республиканы Башчысы Темрезланы Рашид Къарачай-Черкесиядан Кърал Думагъа депутатла Михаил Старшинов, Боташланы Расул эмда Федерацияны Советини сенаторлары Салпагъарланы Ахмат, Арашуков Рауф бла тюбешгенди. Ала Эресейни Президенти В.В. Путинни «О национальных целях и стратегических задачах развития Российской Федерации на период до 2024 года» деген указын эмда «Бирикген Эресей» деген Бютеуэресей политика партияны конференциясыны   «Направление 2026» деген резолюциясын, биригиб, джашаугъа къалай таб кийирирге боллугъуну юсюнден сёлешгендиле. Ол тюбешиуде КъЧР-ни Халкъ Джыйылыууну (Парламентини) спикери Александр Иванов да болгъанды.


Темрезланы Рашид, къралыбызны Президенти къол салгъан, ол уллу магъанасы болгъан документни джашаугъа кийирир муратда регион Эресейни Правительствосу бла, федерал ведомствола бла биригиб ишлерге кереклисин излегенди.
Къарачай-Черкес Республиканы Башчысы оюм этгенден, ол джууаблы ишге республиканы Парламенти, «Бирикген Эресей» политика партияны членлери, регионал бёлюмю, тири къошулуб, къолларындан келгенни этерге керекдиле.
«Эресейни Федерал Джыйылыууну палаталарында Къарачай-Черкесиядан келечилени хар бири, къралыбызны Президенти салгъан борчланы толтурур ючюн, бизни къыйыныбызны, кючюбюзню бирикдирирге тири къошулургъа керекди», - деб чертгенди республиканы Башчысы.

 
{jcomments}