Июнну 18-де Россия Федерацияны Президентини указы бла КъЧР-ни ич ишлерини министри къуллукъгъа 48 джыл болгъан, Россияны МВД-ны управлениесини Екатеринбург шахарда бёлюмюню тамадасы, полицияны полковниги Трифонов Игорь Юрьевич салыннганды.

Трифонов И.Ю. КъЧР-ни ич ишлерини министри къуллукъгъа салыннганыны юсюнден РФ-ны Президентини «Об освобождении от должности, назначении на должность, увольнении с военной службы и присвоении специального звания в некоторых государственных органах» деген 2017-чи джыл июнну 17-де алыннган 269-чу номерли указында айтылады. Указ эркинликни информацион официал интернет-порталында салыныбды.

Игорь Юрьевич Трифонов 1966-чы джыл октябрны 10-да Москва областны Раменское шахарында туугъанды. Эки баш билими барды. Москвадагъы Чекчи къуллукъну федерал аскер институтуну эмда Россияны МВД-ны управлениесини академиясын тауусханды. Къралны эмда ведомствону саугъалары бла саугъаланнганды.

И. Трифонов милицияда биринчи ППСМ-ни инспектору, ызы бла оператив дежурный къуллукълада ишлеб башлагъанды. 2004-чю джыл март айда ол Москваны къыбыла-кюн чыкъгъан округуну Ич ишлерини управлениесини тамадасыны заместители къуллукъгъа салыннганды. МОБ-ну тамадасы болуб ишлегенди. 2011-чи джыл март айда уа ПДН бла участокланы милиционерлерини ишлерине къарагъан управлениени тамадасыны борчларын толтургъанды. 2011-чи джылны июнь айыдан бери, КъЧР-ни ич ишлерини министри къуллукъгъа салыннгынчы, Екатеринбург шахарда Россияны Ич ишлерини министерствосуну управлениесини тамадасы къуллукъда ишлегенди.

 

 
{jcomments}