Багъалы джердешле!
Чернобыль АЭС-де XX-чы ёмюрню эм уллу техноген къыйынлыгъы болгъанлы арадан 32 джыл ётдю. Ол къыйынлыкъда уа бизни миллионла бла адамларыбыз джарсыгъан эдиле. Аны юсюне да ол ызларына къайтарыргъа  къолдан келмезлик уллу къоранчла салгъан эди.
Чернобыль АЭС-де болгъан къыйынлыкъ сагъайтмагъан инсан къалмагъанды. Уллу къралны джюз мингле бла адамлары, саулукъларына къоркъуулу болгъанына да къарамай, ол техноген къыйынлыкъны онглар мадарла этиб кюрешгендиле. Чернобыль АЭС-де болгъан къыйынлыкъны хатасын онглар ючюн кюрешгенлени ичлеринде Къарачай-Черкесиядан да 1200 адам болгъанды, аладан 400 адам ауушханды; биз алагъа ол заманда этген эркишиликлери бла чыдамлыкълары ючюн джюрек разылыгъыбызны билдиребиз.

Биз Чернобыль АЭС-де къыйынлыкъны онгларгъа къошулгъанланы барын да керти джигитлеге санайбыз, аланы анда ёлгенлерини джарыкъ тюрсюнлерини алларында бёрклерибизни алабыз, ликвидаторлагъа-ветеранлагъа, аны кибик аланы ёлгенлерин унутмай тургъан юйдегилерине джюрек разылыгъыбызны билдиребиз. Ёлгенлерине бушуу этгенибизни билдире, сауларына саулукъ-эсенлик, рахатлыкъ, ашхылыкъла теджейбиз.