Мындан алда Къарачай-Черкес Республиканы Башчысы Темрезланы Рашид аскер комиссариатланы 100 джыл толгъан къууанчларына аталгъан джыйылыугъа къошулгъан эди. Ол Черкесскеде «Джашил айрымканны» амфитеатрында бардырылды.
Бу къууанчха къошулгъанланы арасында Къарачай-Черкесияны Правительствосуну Председатели Аслан Озов, Халкъ Джыйылыуну (Парламентни) Председатели Александр Иванов, Черкесск шахарны мэри Руслан Тамбиев, Къарачай-Черкесияны Правительствосуну членлери, КъЧР-ни Халкъ Джыйылыууну (Парламентини) депутатлары, Уллу Ата джурт къазауатны ветеранлары, Черкесск гарнизонну аскерчилери, республиканы аскерге чакъырыллыкъ джашлары дагъыда башхала бар эдиле.
Джыйылыу ишин башларны аллы бла Россия Федерация бла Къарачай-Черкесияны, Россия Федерацияны Къоруулау министерствосуну кърал байракъларын келтирдиле. Андан сора джыйылгъанла, бир такъыйкъаны шош болуб, Джуртларын фашистледен сакълай джан бергенлени эсгердиле. Аны ызындан Зеленчукдеги джергили гарнизонну аскерчилери Махтауну Аллеясында Аскерчини эсгертмесине гокка хансла салдыла.
Къарачай-Черкес Республиканы Башчысы Темрезланы Рашид, сахнагъа чыгъыб, джыйылгъанланы алларында сёлеше, бютеу къралда аскер комиссариатла къралыбызны къоркъуусузлугъун бегите, адамланы аскерге, контракт аскер къуллукъгъа чакъыра, Россия Федерацияны Аскер Кючлерини сыйларын кёлтюрюуде алагъа салыннган уллу борчланы мийик дараджада толтургъанларын айтды.
«Уллу Ата джурт къазауатда аскер военкоматла этген ишни унутургъа болмайды. Ала артыкъсыз да къазауатны ал кюнлеринде бютеу къралда чакъырыу бардыргъан сагъатда къанларын-джанларын аямай кюрешиб, къысха заманны ичинде Джуртну сакъларча аскер къураргъа уллу юлюш къошхандыла. Бюгюнлюкде да аскерчиле, военкоматланы граждан персоналы, кеслерини борчларын уста толтура, тамада къауумдан келген ашхы адетни тутуб, тыйыншлысыча бардырадыла.
Бизни къралны эм уллу байрамыны – Хычаман айны 9-у - аллы бла Россияны аскер комиссариатларына 100 джыл толгъанына аталгъан быллай уллу иш бардыргъаныбыз мени бек къууандырады. Бу кюнле кесини къралын сюйген хар адамгъа багъалыдыла. Бюгюн да аскер комиссариатланы къуллукъчулары эмда ветеранлары къралыбызны къоркъуусузлугъун сакъларгъа, Россияны Аскер Кючлеринде къуллукъ этерге чакъырыуда уллу иш бардырадыла.
Биз быйыл Уллу Хорламны 73-джыллыгъын кенг байрамларыкъбыз. Мен сизни, артыкъсыз да джаш тёлюню, биз бюгюнлюкде эркин къралда, мамыр кюнню тюбюнде рахат, къууаныб джашар ючюн, Уллу Ата джурт къазауатха къошулгъанла этген джигитликни унутмазгъа, эсде тутаргъа чакъырама», - деб, Темрезланы Рашид КъЧР-ни аскер комиссариатыны аскер къуллукъгъа хазырлагъан, чакъыргъан бёлюмюню тамадасы Александр Чернышовгъа «Кърал къуллукъну махтаулу къуллукъчусу» деген сыйлы атны атады. Талай адамгъа Бюсюреу къагъыт берди.
Къарачай-Черкес Республиканы аскер комиссары Арсен Темиров Россия Федерацияны къоруулау министри Сергей Шойгуну буйругъу бла Темрезланы Рашидге Россия Федерацияны Аскер Кючлерини къоркъуусузлугъун баджарыугъа, аскер шохлукъну, къарнашлыкъны бегитиуге къошхан юлюшю ючюн РФ-ны Къоруулау министерствосуну «За укрепление боевого содружества» деген медалын берди.
Къууанч джыйылыуну кёзюуюнде Темрезланы Рашид, Арсен Темиров, Руслан Тамбиев Черкесскени юнармейцлерине белгиле бердиле.
Александр Иванов бла Аслан Озов да, республиканы аскер комиссариатыны къуллукъчуларын джарыкъ байрамлары бла джылы алгъышлаб, талай адамгъа Хурмет грамотала бердиле.
Республиканы аскер комиссары Арсен Темиров аскер комиссариатланы айырылыб иги ишлеген къуллукъчуларына РФ-ны Къоруулау министерствосуну саугъаларын берди.
Бу къууанчха къошулгъанланы арасында Къарачай-Черкесияны Правительствосуну Председатели Аслан Озов, Халкъ Джыйылыуну (Парламентни) Председатели Александр Иванов, Черкесск шахарны мэри Руслан Тамбиев, Къарачай-Черкесияны Правительствосуну членлери, КъЧР-ни Халкъ Джыйылыууну (Парламентини) депутатлары, Уллу Ата джурт къазауатны ветеранлары, Черкесск гарнизонну аскерчилери, республиканы аскерге чакъырыллыкъ джашлары дагъыда башхала бар эдиле.
Джыйылыу ишин башларны аллы бла Россия Федерация бла Къарачай-Черкесияны, Россия Федерацияны Къоруулау министерствосуну кърал байракъларын келтирдиле. Андан сора джыйылгъанла, бир такъыйкъаны шош болуб, Джуртларын фашистледен сакълай джан бергенлени эсгердиле. Аны ызындан Зеленчукдеги джергили гарнизонну аскерчилери Махтауну Аллеясында Аскерчини эсгертмесине гокка хансла салдыла.
Къарачай-Черкес Республиканы Башчысы Темрезланы Рашид, сахнагъа чыгъыб, джыйылгъанланы алларында сёлеше, бютеу къралда аскер комиссариатла къралыбызны къоркъуусузлугъун бегите, адамланы аскерге, контракт аскер къуллукъгъа чакъыра, Россия Федерацияны Аскер Кючлерини сыйларын кёлтюрюуде алагъа салыннган уллу борчланы мийик дараджада толтургъанларын айтды.
«Уллу Ата джурт къазауатда аскер военкоматла этген ишни унутургъа болмайды. Ала артыкъсыз да къазауатны ал кюнлеринде бютеу къралда чакъырыу бардыргъан сагъатда къанларын-джанларын аямай кюрешиб, къысха заманны ичинде Джуртну сакъларча аскер къураргъа уллу юлюш къошхандыла. Бюгюнлюкде да аскерчиле, военкоматланы граждан персоналы, кеслерини борчларын уста толтура, тамада къауумдан келген ашхы адетни тутуб, тыйыншлысыча бардырадыла.
Бизни къралны эм уллу байрамыны – Хычаман айны 9-у - аллы бла Россияны аскер комиссариатларына 100 джыл толгъанына аталгъан быллай уллу иш бардыргъаныбыз мени бек къууандырады. Бу кюнле кесини къралын сюйген хар адамгъа багъалыдыла. Бюгюн да аскер комиссариатланы къуллукъчулары эмда ветеранлары къралыбызны къоркъуусузлугъун сакъларгъа, Россияны Аскер Кючлеринде къуллукъ этерге чакъырыуда уллу иш бардырадыла.
Биз быйыл Уллу Хорламны 73-джыллыгъын кенг байрамларыкъбыз. Мен сизни, артыкъсыз да джаш тёлюню, биз бюгюнлюкде эркин къралда, мамыр кюнню тюбюнде рахат, къууаныб джашар ючюн, Уллу Ата джурт къазауатха къошулгъанла этген джигитликни унутмазгъа, эсде тутаргъа чакъырама», - деб, Темрезланы Рашид КъЧР-ни аскер комиссариатыны аскер къуллукъгъа хазырлагъан, чакъыргъан бёлюмюню тамадасы Александр Чернышовгъа «Кърал къуллукъну махтаулу къуллукъчусу» деген сыйлы атны атады. Талай адамгъа Бюсюреу къагъыт берди.
Къарачай-Черкес Республиканы аскер комиссары Арсен Темиров Россия Федерацияны къоруулау министри Сергей Шойгуну буйругъу бла Темрезланы Рашидге Россия Федерацияны Аскер Кючлерини къоркъуусузлугъун баджарыугъа, аскер шохлукъну, къарнашлыкъны бегитиуге къошхан юлюшю ючюн РФ-ны Къоруулау министерствосуну «За укрепление боевого содружества» деген медалын берди.
Къууанч джыйылыуну кёзюуюнде Темрезланы Рашид, Арсен Темиров, Руслан Тамбиев Черкесскени юнармейцлерине белгиле бердиле.
Александр Иванов бла Аслан Озов да, республиканы аскер комиссариатыны къуллукъчуларын джарыкъ байрамлары бла джылы алгъышлаб, талай адамгъа Хурмет грамотала бердиле.
Республиканы аскер комиссары Арсен Темиров аскер комиссариатланы айырылыб иги ишлеген къуллукъчуларына РФ-ны Къоруулау министерствосуну саугъаларын берди.
ЛЕПШОКЪЛАНЫ Хусеин.
{jcomments}
