Бу кюнледе Россия Федерацияны Президентини Шимал Кавказ федерал округда Толу эркинликли келечиси Белавенцев Олег кърал джумушу бла Къарачай-Черкесиягъа келиб кетгенди.

Ол мында заманында КъЧР-ни Башчысы Темрезланы Рашид бла бардыргъан тюбешиуюню кёзюуюнде, Россия Федерацияда президент сайлауланы чагъын да айтыб,  республикада джарашыулу  джамагъат-политика болум къуралгъанын разы болуб чертгенди.
Ол тюбешиуде Белавенцев Олег бла Темрезланы Рашид Россия Федерацияны Президенти Путин Владимир Федерал Джыйылыугъа этген Чакъырыуунда толтурургъа теджеген аманатланы Къарачай-Черкесияда джашау орунлу этиуню иши къалай баргъанына да къарагъандыла. Ол джаны бла этиллик ишлени да белгилегендиле.


Темрезланы Рашид, Къарачай-Черкесияны социал-экономика борчларын толтуруу бла  адамланы  джашауларыны асыулулукъларын  ёсдюрюуге таймаздан болушуб тургъаны ючюн Белавенцев Олегге джюрек разылыгъын билдире: «Толу эркинликли келечини командасы республикан властла бла федерал властланы араларында этимли иш джюрютюучю болуб турады. Ол а къралны башчысы экономика бла социал джашауну ёсдюрюуде толтурургъа белгилеген ишлени этимли бардырыргъа болушады», - дегенди.

 
{jcomments}