Мындан алда Къобан районну 1-чи номерли спорт школуна джюрюгенле Ессентуки шахарда пляж тутушну джайгъы фестивалына къошулуб, атларын махтау бла айтдыргъандыла. Эришиулени ахыр эсеблерине кёре, бизни спортчула 5 алтын, 1 кюмюш эмда 1 джез медалла алгъандыла.

2010-чу – 2012-чи джыллада туугъанланы арасында 40 килограмм ауурлукъда Къоркъмазланы Аслан, 45 килограмм ауурлукъда Алийланы Азамат, 70 килограмм ауурлукъда Батчаланы Къаплан хорлагъандыла. Тулпарланы Эльдар 60 килограмм ауурлукъда 2-чи оруннга ие болгъанды.
2013-чю – 2015-чи джылгъыланы арасында биринчи орунну Алийланы Азамат (45 килограмм) алгъанды. Байрамукъланы Эмир 40 килограмм ауурлукъда ючюнчю оруннга чыкъгъанды.
«Алийланы Азамат кеси тенглилени эмда кесинден уллуланы арасында фахмусун, билимин, джигерлигин кёргюзгенди. Эки къауумда да ол, биринчи орунлагъа чыгъыб, алтын медалла алыб, спорт бла кючлю кюрешгенин танытханды, усталыкъны мийик дараджасын кёргюзгенди», – дегенди Къобан районну администрациясыны тамадасы Семенланы Ахмат.
Спортчуланы белгили юретиучю Батчаланы Биаслан юретгенди.

(Бизни корр.).