Кёб болмай Дондагъы Ростов шахарда 1602-чи номерли аскер госпиталны 85-джыллыгъы белгиленнгенди. РФ-ны Федерал Джыйылыууну Федерация Советини Къарачай-Черкесияда сенатору Крым Казаноков КъЧР-ни Башчысы Темрезланы Рашидни атындан госпиталны къуллукъчуларын юбилей бла эмда Медицина къуллукъчуну кюню бла алгъышлагъанды.

«Бюгюнлюкде Ата джуртубузну къоруулагъанлагъа, кюн сайын аланы саулукъларын багъыб кюрешгенлеге къайгъырыуну магъанасы уллуду. Аскер медикле джууаблы, ауур ишни баджарадыла. Медицина къуллукъчулагъа болушлукъ этиу, госпиталны керекли затла бла баджарыу, аскерчилерибизни саулукъларына тыйыншлы эс бёлюнюрча болум къурау бизни баш борчларыбыздыла», – дегенди Крым Казаноков.
Аскер госпиталгъа гуманитар болушлукъ да этилгенди – 5 минг шыша суу, 1,5 тонна эски джуууучу порошок, компьютер, принтер берилгенди.

(БИЗНИ КОРР.).