Доммайда джашагъан Алексей Мосиенко, аскер къаугъада болуб келгенден сора, СВО-гъа къошулгъанлагъа берилген таблыкъла бла хайырланыб, кесини энчи ишин ачханды.

Энчи иш ачаргъа деб къралдан алгъан ачхасына туристлеге джараулу затла сатыб алгъанды. Алай бла, туризм бла байламлы бизнесин башлагъанды.
Алексей Мосиенко айтханнга кёре, джашаууну иги кесек заманын ол таугъатюзге айланыугъа, табигъат бла шохлукъ джюрютюуге бергенди. Аскер къаугъадан къайтхандан сора, социал кесаматны тамалында иш ачаргъа къралдан ачха алыргъа боллугъун эшитиб, «Ата джуртну къоруулаучула» фондну джергили координаторуну болушлугъу бла керекли къагъытланы джыйышдыргъанды.
– Мен джашаууму палаткалада, табигъатны къойнунда, туристле бла бирге ашыргъанма, – дейди Алексей. – Ол мени сюйген ишимди. Мадар чыкъгъанында, къралдан болушлукъ табыб, энчи ишими башладым.
Аны мураты турист маршрутланы къурауду. Къарачай-Черкесияда джашагъанланы эмда тышындан келген къонакъланы ариу джерлерибиз бла танышдырыуду.
Социал кесамат (контракт) «Юйдеги» миллет проектни юсю бла джашаугъа сингдирилиб барады. Ол аскер джашаудан тюз джашаугъа кёчгенлеге энчи иш башларгъа джол ачады. Аны бла хайырланнганла кеслерине, джамагъатха да хайыр келтирирге боллукъдула.