Бютеуроссия Халкъ фронтну Къарачай-Черкесияда активистлери КъЧР-ни Сайлау комиссиясыны эмда СМИ-ни келечилери бла биргелей мындан алда информацион акция бардыргъандыла. Кърал эмда муниципал джумушланы баджаргъан кёб функциялы аралыкъда этилген ол мероприятиени борчу мартны 18-де чёб атыуну магъанасын ангылатыу эди.
«Кърал президент сайлаулагъа хазырланыб кюрешеди. Бу сайлауланы магъаналы энчиликлерини бири джашагъан джерим, регистрациям деб къарамай, ким да джюрюген, айланнган джеринде чёб атаргъа мадар табарыкъды. Ишексиз, сайлау процедураны адамгъа тынч этерикди ол. Мени, сёз ючюн, регистрациям Медногорскедеди, мартны 18-де уа Черкесскеде боллукъма. Алай эсе, ол кюн боллукъ джеримде чёб атаргъа мадар табар ючюн, мен бюгюн тилек къагъыт джазгъанма», - деб хапар айтханды Халкъ фронтну активистлерини бири Елена Бердниченко.
Сайлауланы кюнюнде болгъан джеринде чёб атар ючюн, сайлаучу кеси территориал неда участок сайлау комиссиягъа, алай тюл эсе «Мои документы» деген кёб функциялы аралыкъгъа заявление берсе, иш тынарыкъды. Аны кибик, тилек къагъытны кърал эмда муниципал джумушланы биргелей порталыны юсю бла берирге да боллукъду. Олсагъатда «открепительное удостоверение» дегенни алыб айланыргъа керек тюлдю.
«ОНФ-ны регионал бёлюмюню экспертлери сайлаула бла байламлы къурау ишлеге тийишген памятка хазырлагъандыла. Ол памятканы МФЦ-гъа келген адамлагъа теджеб, магъанасын да ангылатханбыз. Аны бла да къалмай, социал сетлени юслери бла да джаябыз. Сайлау берилгени адамны эм уллу эркинликлерини бириди. Сайлаулагъа къошулуу къралны джашауунда бир уллу ишге къошулургъа мадар табхандан сора да, джамагъатны аллында да ол этген сайлауунг ючюн джууаблылыкъды», – дегенди Бютеуроссия Халкъ фронтну регионал штабыны члени Ужахов Азамат да.
Халкъ фронтну регионал бёлюмюню келечилери, быллай информацион акцияланы файдалыкъларын черте, сайлаучулагъа ангылатыб кюрешедиле, алай бла къралны адамларын мартны 18-де боллукъ президент сайлаулагъа эс бёлдюрюрге джарайдыла.
Бемурзов Зураб,
ОНФ-ны КъЧР-де бёлюмюню СМИ-ле бла иш джюрютген координатору.
ОНФ-ны КъЧР-де бёлюмюню СМИ-ле бла иш джюрютген координатору.
{jcomments}
