Барыгъызны да Къарачай-Черкесиябызны Конституциясыны кюню бла исси алгъышлайбыз!
1996-чы джыл марты 5-си, Россия Федерациягъа бёлюнмезлик кесеги болуб кирген Къарачай-Черкес Республиканы Баш Закону къабыл этилген кюн болуб, аны тарихине ёмюрлюкге джазылгъанды. 22 джыл болду ол документ Къарачай-Черкесияны закон-джорукъ джашауунда баш орунну алыб келгенли. Аны алайлыгъы документни терен оюм этилиб джарашдырылгъанына энтда бир кере шагъатлыкъ этеди, толтуруучу властны органлары бла депутат корпусну къысха байламлылыкъда этимли ишлегенлерин кёргюзеди.
Республиканы Конституциясы, Къарачай-Черкесияны ёсюмню джолу бла барырыны, гражданланы эркинлик, азатлыкъ, социал къорууланыуларыны гаранты болгъаны бла да къалмай, регионда рахатлыкъ бла джарашыулукъну бегитиуню тамалы болуб да турады. Алайды да, биз аны сакъларгъа, кесибиз ючюн да, юйдегибиз ючюн да, барыбызны да ара юйюбюз Къарачай-Черкесия эмда уллу Россия ючюн да джууаблы болгъаныбызны сезиб, багъалатыб турургъа керекбиз. Бизни республикабызны мындан ары барлыкъ айныу бла джашнау джолу эмда тамбласында бизни сабийлерибизни насыблы этерик джолубуз да Конституциябызда белгилеген баш джорукъларыбыздан таймай барыу бла, къаджыкъмай урунуу бла, бизни кёб миллетли халкъыбызны бирлиги бла акъылманлыгъын сакълау бла къысха байламлы боллукъду.
Багъалы джердешле, бу байрам кюн сизге рахатлыкъ, ашхылыкъла, саулукъ-эсенлик, Къарачай-Черкесиягъа саулай Россиягъа къаджыкъмай урунууда джетишимле теджейбиз!
