Эресейни кюнюне джоралаб, Къарачай-Черкесияны Халкъ Джыйылыуу (Парламенти) да бардырды къууанч джыйылыу.

Джыйылыугъа къошулгъанланы байрам бла алгъышлай, Къарачай-Черкес Республиканы Халкъ Джыйылыууну (Парламентини) Председатели Александр Иванов: «Хар кюн сайын кесигизни джумушугъузну баджара, республикабызны айнытыугъа юлюш къошасыз. Аны ючюн Халкъ Джыйылыуну бютеу депутатларыны атларындан барынга да бюсюреу этеме, хар биринге сюек саулукъ, насыб теджейме. Джетишимли болугъуз!» – дегенди.
Алгъышлаб бошагъанындан сора Александр Иванов саулукъ сакълауда, билим бериуде, кърал къуллукълада, аны кибик башха джерледе махтаулу ишлеген 50 джердешибизни Къарачай-Черкес Республиканы Халкъ Джыйылыууну (Парламентини) Хурмет грамоталары бла саугъалагъанды.
Саугъаланнганланы араларында Къызыл Октябрь элни орта школуну устазы Ёзденланы Зухра, Джёгетей Аягъы шахарны администрациясыны Джерни юсю бла иш джюрютюуню хакъындан бёлюмюню тамадасы Айбазланы Ринат, армрестлингден спорт школну тренери Эриккенланы Барадин дагъыда башхала бар эдиле.

СОЛТАНЛАНЫ З.