Федерал налог къуллукъну Къарачай-Черкес управлениесини бир къауум муниципалитетледе бёлюмлери джокъду.

Анда джашагъан адамла керекли информация бла баджарылыр ючюн, республикада орналгъан кёб функциялы аралыкълада видео байламлылыкъ къураб, кенгтин (дистанцион халда) налог къуллукъ хапар айтырыкъды. Алай бла, адамла заманында налог тёлеу бла байламлы ишледен хапарлы болгъанлай турлукъдула.
Сёз ючюн, налог тёлерге излеген адамны ангылашынмагъан заты болса, кёб функциялы аралыкъ, аны республикан налог къуллукъну управлениесине билдириб, адам дистанцион халда соруууна джууаб алырча мадар этеди. Ол зат видео халда бардырылады.
Налог къуллукъгъа джумуш баджарыуну джангы механизмлерин сингдириуге уллу эс бёлюнеди. Аллайланы бириди «джангыз терезе» деген режим. Аны юсю бла ишлерин дженгил да, тынч да этедиле.
Кёб функциялы аралыкъ бла иш тындырыргъа излеген, «Онлайн-запись на приём в инспекцию» деген сервис бла хайырланыргъа юренсе, джумушун теркирек баджарлыкъды. Ол Эресейни Федерал налог къуллугъуну официал сайтындады.
Айтыргъа, быллай джангылыкъла бла ишлей билгенле джумушларындан терк къол айырлыкъдыла.