Къарачай-Черкесияны сыйлы джамагъаты!
Барыгъызны да Къурман байрам бла таза джюрекден алгъышлайбыз!

Ол джюзле бла джылланы адамланы бирикдириб келген, ашхылыкъны, халаллыкъны, джумушакълыкъны эсибизге салгъан байрамды.
Аны бла бирге Къурман байрам муслиман джамагъатха сыйлы болгъан джерледе – Меккя бла Мединада – хадж къылыу тамамланнганыны белгисиди. Ол ашхы джолоучулукъда муслиман борчларын тындыргъан джердешлерибизни барын да алгъышлайбыз. Аланы этген къуллукълары, тилеклери къабыл болсунла.
Къарачай-Черкесияда тюрлю-тюрлю миллетлени, динлени келечилери бир-бирлери бла шохлукъда джашайдыла. Хоншуларыбызны адетлерине сый беребиз, аланы байрамларына таза джюрекден къууанабыз.
Мындан ары да республиканы муслиман уммасы дин эмда юйдеги адетлени сакълаугъа, ёсюб келген джаш тёлюню ариу халиге юретиуге, мамырлыкъны сакълаугъа тыйыншлы юлюш къошуб турлугъуна ышанабыз.
Барыгъыз да саулукълула, насыблыла болугъуз. Хар юйде къууанч, мелхумлукъ орналсын. Къурманыгъыз къабыл болсун!

Къарачай-Черкес Республиканы Башчысы
ТЕМРЕЗЛАНЫ Рашид
Къарачай-Черкес Республиканы Халкъ
Джыйылыууну (Парламентини) Председатели
ИВАНОВ Александр
Къарачай-Черкес Республиканы
Правительствосуну Председатели
АРГУНОВ Мурат.