Къарачай-Черкесияны хурметли джамагъаты!
Сизни барыгъызны да Славян джазманы эмда маданиятны кюню бла алгъышлайбыз!

Бу байрам тил, къуру сёлеширге мадар берген бла къалмай, тин байлыгъыбыз, тарихибиз, маданиятыбыз болгъанын эсибизге салады. Кирилл бла Мефодий джарашдыргъан алфавитни кючю бла тарихибизни билирге, бюгюннгю джашауну къураргъа, сабийлерибиз бла туудукъларыбызгъа билим берирге мадарыбыз барды.
Бизни Къарачай-Черкесияда 80-дан аслам миллетни келечиси бир-бири бла шохлукъда, джарашыулукъда джашайды. Бу байрам бизге бирикмекликни белгисиди. Республиканы хар миллетини тили, адетлери бардыла, алай а барыбызны да орус тил бирикдиреди. Орус тил бир-бирибизни ангыларгъа, ана тилледе джазгъан авторланы чыгъармалары бла шагъырей болургъа, Ата джуртубузгъа ёсюм алдырыргъа мадар береди. Ол уллу байлыкъны сакълау, джаш тёлюню ана тил бла маданиятны сыйларгъа юретиу баш борчубузду.
Бу байрам кюнде устазларыбызгъа, библиотекачылагъа, маданият, санат къуллукъчулагъа айырыб уллу бюсюреу этерге излейбиз. Тин байлыгъыбызны сакълагъаныгъыз, байындыргъаныгъыз ючюн, сау болугъуз.
Багъалы джердешле, сизге саулукъ-эсенлик, насыб теджейбиз. Орус тил хар бирибизге къралыбызны тарихи бла ёхтемлендирген, алгъа таукел атлам этерге ышанмакълыкъ берген кючлю дагъан болсун!

Къарачай-Черкес Республиканы Башчысы
ТЕМРЕЗЛАНЫ Рашид
Къарачай-Черкес Республиканы Халкъ
Джыйылыууну (Парламентини) Председатели
ИВАНОВ Александр
Къарачай-Черкес Республиканы
Правительствосуну Председатели
АРГУНОВ Мурат.