Республиканы прокуратурасыны къуллукъчулары сохтала эмда студентле бла тюбешиб, закон-джорукъ бла байламлы дерсле бардыргъанлай турадыла.

Бу кюнледе КъЧР-ни Прокуратурасыны граждан-сюдю бёлюмюню тамада прокурору Джанибекланы Темирлан Шимал Кавказ кърал академияны студентлерине «Защита прав граждан, в том числе несовершеннолетних, путем обращения в суд» деген темагъа лекция окъугъанды.
Джанибекланы Темирлан тюрлю-тюрлю санагъатлада адамланы эркинликлерин джакълар ючюн прокурорла сюдге тилек къагъытла джибергенлерини юсюнден толу хапар айтханды, аны бла байламлы юлгюле да келтиргенди.
Студентле прокуратураны къуллукъчусуна эс бёлюб тынгылагъандыла, соруула да бергендиле.