«Цифровой ликбез» деген саулай Эресейде толтурулгъан проектни тамалында «Ростелеком» ПАО бла «Цифровая экономика» АНО хычаман (май) айны 4-ден 31-не дери «Подозрительные звонки» деген темагъа цифра дерсле бардырлыкъдыла.

Дерслени кёзюуюнде сохтала хыйлачыланы телефонну хайырландырыб этген аманлыкълары бла шагъырей боллукъдула, аланы «къапханларына» тюшмезча мадарлагъа юренникдиле.
Окъуу проект РФ-ны Цифра ёсюмюню эмда Билим бериу министерстволарыны болушлукълары бла толтурулады. Ол «Экономика данных и цифровая трансформация государства» миллет проектни «Кадры для цифровой трансформации» деген федерал проектини эмда «Технологическое лидерство» деген миллет кёргюзюмню ышыгъы бла бардырылады.
«Цифровой ликбез» проект мультипликация роликле бла устазлагъа джораланнган методика материалладан къуралады. Проектни материалларын «Институт изучения детства, семьи и воспитания» ФГБНУ къабыл этгенди. Сабийлеге видеороликле ата-анала бла неда устазла бла къараргъа теджеледиле. Ала
бла, https://digital-likbez.datalesson.ru/ сайтха кириб, ким да хайырланыргъа боллукъду.
«Ростелеком» ПАО ангылатыу-юретиу ишле бардыргъан, эресейчилени Интернетде къоркъуусузлукъгъа юретген алчы технология компанияланы бириди. «Цифровой ликбез» кибер аманлыкъчылагъа къаршчы кюреш бардыргъан, уллу компанияланы бирикдирген, башхалагъа ушамагъан окъуу проектди.

Газетни информацион къуллугъу.