Мындан алда МВД-ны кърал автоинспекциясыны Къарачай-Черкесияда управлениесини къуллукъчулары, ич ишлени джергили органларыны бёлюмлери, джоллада къараууллукъ этген къуллукъну ротасы бла бирге Черкесскеде профилактика ишле бардыргъандыла.

Ала джолда джюрюуню къоркъуусузлугъун сакъларгъа, джолла бла байламлы федерал законну бузгъанланы ачыкъларгъа джораланыб къуралгъандыла.
Бардырылгъан ишни кёзюуюнде инспекторла джолда джюрюуню джоругъу онла бла бузулгъанын ачыкълагъандыла. Джорукъну бузгъанланы хар бирине протокол джазыб, административ джууаблыкъгъа тартхандыла.
Республиканы кърал инспекциясы джолоучуланы джолда джюрюуню джорукъларын бузмазгъа чакъырады. Законну, джорукъну бузгъанла кеслерине, башхалагъа да къоркъуулу болум къурагъанларын, алай этерге джарамагъанын эсгертеди.