Черкесскеде Къурман байрам белгиленнген кюнледе къойла сатылгъан эмда мал кесерге джораланнган 4 джер джарашдырыллыкъды.

Аны юсюнден Черкесск шахарны мэрини биринчи орунбасары Акъбайланы Ачемезни башчылыгъы бла бардырылгъан кенгешде оноу этилгенди.
Ала бу адреследе къураллыкъдыла:
– Ленин атлы проспект (алгъыннгы авторынок);
– Ленин атлы проспект, 523 (Знаменка элге бурулгъан джер);
– Демиденко атлы орам, 173 (троллейбусла ахыр тохтаучу джер);
– Шоссейная орам, 14.
Черкесск шахарны мэриясында билдиргенлерине кёре, къойла сатылгъан джерледе санитар эмда экология джорукълагъа, дезинфекция этиуге, мал кесилген джерлени тазалыкъларына уллу эс бёлюннюкдю.
Къурман байрамдан сора ол джерлени тазалаб, дезинфекция этерикдиле.
Белгиленнген джерледе, Къурман малла хычаман (май) айны 27-ден 29-на дери эртден 8 сагъатдан ингир 6 сагъатха дери сатыллыкъдыла, излегеннге кесиб да берликдиле.
Аны бла байламлы толу хапар билирге излеген 8(928)392-14-10 телефон номер бла ветеринар станциягъа сёлеширге боллукъду.