Тебердиде Кърымшаухалланы Исламны юйюнде-музейинде «Юйдеги» миллет проектни «Семейные ценности и инфраструктура культуры» деген федерал проектин джашаугъа сингдире, техника бла баджарыу ишле къызыудадыла.

Экспозицияла орналгъан юч бёлюмде суратланы тагъаргъа джангы системала салыннгандыла, алагъа джарыкъ иги урурча мадарла да этилгендиле. Аудиооборудование джангыртылгъанды, илму къуллукъчулагъа джангы компьютерле берилгендиле. Музей фондланы эсеблерин бардырыргъа эмда сакъларгъа деб джангы мебель бла оборудование алыннганды.
Бусагъатда джангы экспозицион витриналаны хазырлай турадыла. Аны бла бирге музейни къуллукъчулары джангы экспозицияны джарашдырыб кюрешедиле. Бу ишле барысы да битселе, келген къонакъла къууаннган, сейирсиннген да этерикдиле.
Озгъан джыл башында сагъынылгъан проектлени кючлери бла Кавказ ауушланы къоруулагъанлагъа аталгъан музейге-эсгертмеге кёб зат этилгенди. Аны техника джаны бла тыйыншлы джангыртхандыла. Аны кибик Гитче Къарачай районда орналгъан «Рум-Къала» тарих-краевед музей аралыкъны да техника джаны бла джарашдырыу барады.