Мындан алда Къарачай-Черкес Республикада, Къарачай халкъны джангырыу кюнюне аталыб, муниципал къуллукъчуланы арасында бардырылгъан спартакиадагъа СВО-ну ветеранлары да къошулгъандыла. Ала, ол кючлю спорт эришиуледе, фахмуларын, кючлерин, тириликлерин кёргюзгендиле.

Белгиленнген комиссия эришиулени аягъында хорлагъанланы ачыкълагъанды.
Аланы арасында Долаланы Нюр-Ахмад биринчи орунну алгъанды. Чекуналаны Арсен экинчи оруннга ие болгъанды. Салпагъарланы Ислам ючюнчю оруннга чыкъгъанды. Аны юсюнден КъЧР-ни Физкультура бла спорт министерствосунда хапар айтхандыла.
Ол ведомство билдиргенден, бу эришиуле аланы программаларыны магъаналы кесеги болуб, анга къошулгъанла эркишиликни, джигитликни, тириликни, бирикмекликни кючюн танытхандыла.

УЗЕИРЛАНЫ Хусей.