Хычаман (май) айны 26-дан 30-на дери саулай Эресейде экинчи кере агродиктант бардырыллыкъды. Анга къошулгъанла агропропромышленность, эл мюлк джерле, къралны азыкъ къоркъуусузлугъу бла байламлы соруулагъа джууаб берликдиле.

Агродиктантха къошулур эмда ол бардырыллыкъ площадкаланы эсебге тюшюрюр ючюн, агродиктант.рф сайтда регистрацияны ётерге керекди. Ол Москвада «Россия» деген миллет аралыкъда элде уруннганланы форумуну тамалында къууанч халда ачыллыкъды.
Диктант «Бирикген Эресей» партияны «Российское село» деген проектини тамалында къураллыкъды. Аны бардырыугъа Россельхозбанк да болушурукъду. Алагъа РФ-ны Эл мюлк министерствосу, башха федерал министерствола бла ведомствола да кёлтюргючлюк этерикдиле.
Агродиктантха онлайн халда неда Эресейни 89 регионунда къуралгъан площадкалада очно халда къошулургъа боллукъду. Аны кёзюуюнде 40 такъыйкъагъа 30 соруугъа джууаб берирге тыйыншлыды. Анга къошулгъанлагъа сертификатла да берилликдиле. Эм кёб балл алгъанла дипломла бла саугъаланныкъдыла.
Аны юсюнден толу хапарны агродиктант.рф сайтда билирге боллукъду.

БИЧЕНЧИЛАНЫ У.