2026-чы джыл алтотур (март) айда Къарачай-Черкесияны адамлары, электрокъууат бла хайырланнганлары ючюн, артыгъы бла тёлегендиле.

Айтыргъа, ол кёргюзюм 103 процентге джетгенди. Былтырны бу кёзюуюне кёре ол 2,6 процентге кёбдю. Алай бла, тюшген хайыр 136,6 мелиуан сомдан атлагъанды. Ол зат адамланы борчларын 4,2 мелиуан сомгъа аз этгенди. Ёзге, джылны биринчи чагъында кюйдюрген токлары ючюн, ала энтда 42,9 мелиуан сом берирге керекдиле.
Энергетикле, борчларындан къутулургъа ашыкъмагъанладан ачхаларын алыр ючюн, закон бла белгиленнген амалланы этиб кюрешедиле: къозлау саладыла, токну толусу бла иймейдиле, ишлерин сюдге бередиле. Аны бла бирге юретиу-ангылатыу ишни бардырадыла – борчунгу заманында тёлесенг, аз ачха джоярыкъса, деб сингдиредиле.
Ким да билирге тыйыншлы зат: айны ичинде кюйдюрген электрокъууат ючюн, экинчи айны 15-не дери берирге керекди. Адамла берликлерин «Свет Онлайн» деген мобиль приложениеде, «Энчи кабинетде» коммунал джумушланы баджаргъан аралыкъда, «Къарачай-Черкесэнерго» филиалны бёлюмлеринде тёлерге боллукъдула.
Электрокъууат бла байламлы сорлугъу болгъанла «исси линиягъа» бу телефон номерле бла сёлеширге эркиндиле: 8-800-220-0-220; 220.