КъЧР-де «Джюрекни излеми бла» деген волонтёр къауум аскер къаугъагъа къошулгъанлагъа кёзюулю гуманитар джюк ашыргъанды. Айтыргъа, бу джол бизни республикадан адамны бугъундургъан, кёргюзмеген 11 сеть, джылы чындайла, азыкъ джиберилгенди.

Адамланы, техниканы да бугъундургъан сетлени волонтёрла кеслери этгендиле, ала уруш тюзледе бек джарарыкъдыла.
Джылы чындайла кёб заманны эшикде тургъанланы аякъларын джылытырыкъдыла. Бютюн да сууукъ кюнледе керек боллукъдула. Кёб заманны аман болмай турлукъ ашарыкъ затла да юйлерин эслерине тюшюрлюкдюле, джашланы кёллерин кёлтюрлюкдюле.
– Этилген зат барысы да таза джюрекденди. Аскерчилеге къайгъырыуну танытханлагъа джюрек разылыгъыбызны билдиребиз. Юйден баргъан татлы затла, сухарла джашагъан джерлерин, джууукъ адамларын эслерине тюшюрлюкдюле. Аскерчи джашларыбыз аланы унутмагъанларын, туугъан джуртларына сау-эсен къайтырыкъларын сакълаб тургъанларын сезерге керекдиле. Ол зат алагъа кюч-къарыу берликди, учундурлукъду, – деб чертгендиле Уруп районну администрациясында.
Ашырылгъан зат барысы да СВО-да джуртубузну сакълагъанланы излемлерине кёре джыйышдырылгъанды.