Кёб болмай КъЧР-ни Правительствосуну Председатели Мурат Аргунов республиканы министрлери бла кърал программаланы толтурууну хакъындан кенгеш бардыргъанды.

Ол кенгешге къошулгъанла кърал программаны тамалында ТКО-ну джараулусун джарашдырлыкъ, джараусузун къурутурукъ объектле къураугъа республикан бюджетден субсидияла бериуге аталгъан проектни джараулугъа санагъандыла.
Министрле Правительствону «Об установлении квоты в организациях отдыха детей и их оздоровления, расположенных на территории Карачаево-Черкесской Республики, для детей-инвалидов и детей с ограниченными возможностями здоровья» деген бегимини проекти да таб джарашдырылгъаннга санагъандыла.
Ала Къарачай-Черкесияда толтуруучу органла баджарыргъа керекли кърал джумушланы тизимин белгилеуге аталгъан проектни да джаратхандыла. Кенгешде 2026-чы джылны биринчи кварталында республикан бюджет къалай толтурулгъанын да сюзгендиле.
Алай бла, министрле кърал программаланы тамалында Правительствогъа теджелген проектлени таб джарашдырылгъаннга санагъандыла.