Къарачай-Черкесия Ростовда аскер госпиталгъа 9 тонна таза ичер суу ашыргъанды. Аны къурашдырыргъа РФ-ны Федерация Советини Къоруулау бла къоркъуусузлукъ комитетини председатели Виктор Бондарев эмда РФ-ны Къарачай-Черкесиядан сенатору Крым Казаноков уллу юлюш къошхандыла.

Аны кибик гуманитар болушлукъну хазырлаугъа «Бирикген Эресей» партияны республикан бёлюмю да тыйыншлы къайгъырыу танытханды.
«Тепловые сети» компанияны къуллукъчулары да бу сууаблыкъ ишден бир джанында къалмагъандыла. Ала да 600 килограмм эски джуугъан порошок алыб къошхандыла. Айхай да, ашырылгъан зат барысы да госпиталгъа керек болгъаны хакъды.
Аскер къаугъада болгъанлагъа эмда РФ-гъа джангы къошулгъан субъектлеге ашырылгъан зат барысы да республикан штабны юсю бла барады. Бу штабны къайгъырыуу бла СВО-да болгъан аскерчилени юйдегилерине, джууукъ адамларына да таймаздан болушлукъ этилгенлей турады. Белгилисича, республикан штаб КъЧР-ни Башчысы Темрезланы Рашидни аманаты бла къуралгъанды.