Черкесскеде «Дамате» заводда, адамла сатыб алырча, шорпа этиб тебрерикдиле.

Айтыргъа, къачда федерал эмда джер-джерде тюкенлеге шорпаны табдырыб башларыкъдыла.
– «Дамате» джангы продукция чыгъарлыгъын билдиргенди – ол кърым тауукъну этинден этилген шорпады. Кавказ инвестицион форумда аны презентациясы бардырылгъанды. Алайды да, быйыл къачда заводда шорпаны этиб, аны излегенлеге табдырыб тебрерикдиле, – деб билдиргендиле холдингни пресс-къуллугъунда.
Шорпа сууну федерал эмда джер-джерде сатыу этген сетлеге эмда къонакъ-хант юйлеге берликдиле. «Даматеде» айтханларына кёре, Женевада колледжни профессору эмда эксперти Сильвена Роу джарашдыргъанды шорпаны къалай этилгенин эмда анга неле къошулургъа кереклисин.
Шорпаны беш тюрлюсю боллукъду. Кърым тауукъланы Пенза бла Ростов областлада предприятиеледен келтирликдиле. Ала да «Дамате» холдингни къурамына киредиле. Айтыргъа, «Дамате» холдингни бир къауум бёлюмлери кърым тауукъ, бабуш эмда къой бла кюрешедиле, аны кибик сют берген малланы да тутадыла. Анга аны ючюн, Эресейни эл мюлк холдинги, дейдиле.
Айтыргъа, холдингни предприятиелери Пенза, Тюмень областлада, Ставрополь крайда, Къарачай-Черкесияда, Санкт-Петербургда бардыла. Къарачай-Черкесияда орналгъан «Дамате» къой этни аслам этиу бла кюрешеди.