Къарачай-Черкесияда элчи туризм айныуну джолунда барады. Ол зат бла бизни регион Эресейни алчы субъектлерини тизимине тюшгенди.

Гитче эмда орта предпринимательствону корпорациясы бегитгеннге кёре, КъЧР 2026-чы джылны аллындан бери элчи къонакъбайлыкъны танытыу бла кюрешген адамланы саны бла алчыланы сафындады.
Айтыргъа, Къарачай-Черкесияны тау районлары (Алтай, Къабарты-Малкъар эмда Краснодар край бла тенгликде) туристлени кеслерине илешдириу бла белгили болгъандыла. Бу тёрт регионда быйыл джылны аллындан бери элчи туризм бла байламлы регистрациягъа тюшген компанияланы саны иги кесекге ёсгенди – джангы ачылгъан 430 компанияны джартысы ол субъектледеди.
Корпорацияда чертгенлерине кёре, къралны тау къойнунда орналгъан къонакъ юйлерине джол тутхан туристлени саны кёбден кёб бола барады.
– Къонакъ юйлени шахарладан тышында, эллени къатларында асламыракъ ишлеб тебрегендиле. Джылны аллындан бери табигъатха джууукъ ишленнгенлени саны 22 процентден кёб болгъанды. Джабылгъанладан эсе ачылгъанланы саны эки къатха ёсгенди», – деб хапар айтханды корпорацияны баш директору Александр Исаевич.
Эресейни эллеринде ачылгъан къонакъ юйлени саны 6,8 мингнге джууукълашханды, алада 31 минг чакълы бир адам ишлейди.