Къарачай-Черкесияда урунуу кесаматланы этиуге уллу эс бёлюнеди. 2024-чю джыл къыркъар (август) айны 1-де КъЧР-ни Правительствосуну бегими бла къуралгъан санагъатла арасы комиссия ишлейди. Аны кибик муниципалитетледе да ишчи къауумла къуралгъандыла.

Айтыргъа, бу ишни юсюнде уллу джетишимге Эресейни Федерал налог къуллугъуну КъЧР-де управлениеси бла КъЧР-де Джамагъатны иш бла баджаргъан управлениесини арасында этилген кесаматны санаргъа боллукъду. «Внешняя поставка данных» деген платформаны юсю бла информацияла бла алмашыныр таблыкъ барды, ол зат къысха заманны ичине иш бла баджарылгъанладан хапарлы болургъа мадар береди.
Комиссия къуралгъанлы бери 12 кенгеш бардырылгъанды, ишчи къауумла 400-ден аслам кере джыйылгъандыла, тюбешиулени кёзюуюнде 700-ден аслам предприятие бла организацияны башчылары оюмларын айтхандыла. Бютюн да уллу магъана ишлеген адамны къыйынын табдырыугъа бериледи. Хар адамны джалы регионда джашау кечинмекни мардасындан кем болмазгъа кереклисине айырыб эс бёлюнеди.
Ишни бу халда бардырылгъаны урунуу системаны джолун ачыкъ этерге себеб болады, адамланы урунуу эркинликлерин хыянатдан сакълайды.