Уллу Ата джурт къазауатны сыйлы ветеранлары! Багъалы джердешле!
Барыгъызны да Уллу Хорламны 81-джыллыгъы бла алгъышлайбыз.

Хорламны кюню миллет ёхтемликни, бирикмекликни, халкъны ётгюрлюгю бла джигитлигини, Ата джуртха сюймекликни белгисиди. Бу байрам къралыбызны тарихине ёмюрлюкге джазылгъанды, кеси да хар бир эресейчини джюрегинде энчи орун алады.
Хычаман (май) айны 9-у тёлюлени барын да бирикдиреди, джанларын-къанларын аямай, Ата джуртубузну эркинлиги ючюн уруш этген халкъны джигитлигин эсибизге салады.
Бизни баш борчубуз – фронтда уруш этгенлеге, тылда уруннганлагъа сый бериу, аланы атларын сакълау, ёсюб келген джаш тёлюню къралны тарихине сый берирге эмда Ата джуртну сюерге юретиу.
Бюгюнлюкде бизни джигит джашларыбыз, къарт аталарыны юлгюлери бла аскер къаугъа баргъан джерледе джигитлик, ётгюрлюк танытыб, къралыбызны эркинлигин, къоркъуусузлугъун джакълаб кюрешедиле.
Барынга да кючлю саулукъ, насыб, джетишимле теджейбиз. Джашнасын Эресей къралыбыз!

РФ-ны Федерал Джыйылыууну Федерация Советини членлери САЛПАГЪАРЛАНЫ Ахмат бла КАЗАНОКОВ Крым.