Багъалы ветеранла, тылда уруннганла, хурметли джердешле!
Барыгъызны да таза джюрекден Уллу Хорламны 81-джыллыгъы бла – тёлюлени эслеринде къаджыкъмагъанлыкъны, халкъ бирликни, тёзюмлюлюкню белгисича къаллыкъ байрам бла – алгъышлайбыз.
81 джылны мындан алгъа джердешлерибиз 1418 кюнню ичинде, уллу сынауладан да ётюб, фашизмни къурутхандыла. Аскерчиле бла тылда уруннганла – уруш тюзледе эмда урунууда джигерликлери бла Хорламны джууукълашдыргъанла – тарихибизде болмагъанча джигитлик танытхандыла. Ол къазауатны юсюнден тюзлюкню сакъларгъа, аны сабийлеге, туудукълагъа ангылатыргъа керекбиз. Бир къауумла тарихни тюрлендирирге кюрешселе да, Уллу Хорламны багъасы, къралыбызны эркинлиги ючюн джан бергенлени атлары унутуллукъ тюлдю. Хорламны келтирген тёлюню аллында баш иебиз. Къазауатдан сора джыллада къралны аякъ юсюне салыб кюрешгенлеге уллу бюсюреу этебиз.
Бизни республика да Хорламны джууукълашдырыугъа уллу къыйын салгъанды. 46 минг джердешибиз Уллу Ата джурт къазауатны фронтларында, джигитлеча, сермешгенди. Мингле бла адамларыбыз тылда урунуб, фронтха болушхандыла.
Бюгюнлюкде, арадан онла бла джылла ётселе да, джангыдан къралыбызны эркинлигин джакъларгъа, нацизмге къаршчы кюреш бардырыргъа керек болгъанды. СВО баргъан джерледе Къарачай-Черкесияда джашагъанла, къарт аталарыча, аскер борчланы сый бла толтурадыла. Ала джигитликлери, ётгюрлюклери, антларына кертиликлери бла Уллу Хорламны келтирген тёлюню туудукълары болгъанларын танытадыла. Биз къралыбызны Президенти Владимир Путинни эмда Эресейни эркинлигин джакълагъанланы, адамланы къоркъуусузлукълары ючюн кюрешгенлени барын да джакълайбыз.
Багъалы джердешле! Уллу Хорламны кюню къралыбыз эмда джигитлерибиз бла андан да бек ёхтемленир кюч берсин! Барыгъызгъа да кючлю саулукъ, юйдеги насыб, къууанч, тамблагъы кюннге ышанмакълыкъ теджейбиз. Эсигизде тутугъуз: сынгар бирликдеди бизни кючюбюз, тамблагъы кюнюбюз да. Байрам бла! Уллу Хорламны кюню бла!
Къарачай-Черкес Республиканы Башчысы
ТЕМРЕЗЛАНЫ Рашид
Къарачай-Черкес Республиканы Халкъ
Джыйылыууну (Парламентини) Председатели
ИВАНОВ Александр
Къарачай-Черкес Республиканы
Правительствосуну Председатели
АРГУНОВ Мурат.
