Мындан алда Хорламны музейи «Защитники Отечества. Победа в единстве» деген конкурсну баямлагъан эди. Анга къошулуб, Эресейни джер-джеринден сурат салыргъа сюйгенле, бютеулей да 25 мингнге джууукъ чыгъармачылыкъ иш джибергендиле. Аланы арасында 300 суратчыны иши эм игиге саналгъанды. Суратчыланы чыгъармаларына багъа берген жюри 15 авторну эм устагъа санаб, аланы атларын белгилегенди.

Конкурсха къошулгъанланы арасында бизни джаш суратчыбыз Татьяна Вавилова да 2-чи оруннга тыйыншлы болгъанды. Кеси да 18 джыл толгъан къауумну тизимине киргени себебли, аны сураты Хорламны кюнюне аталгъан открытка коллекцияны къауумуна тюшгенди. Аны юсюнден толу хапарны Хорламны музейини сайтына бу адрес бла кириб, окъургъа болллукъду: https://victorymuseum.ru/online-programs/competition/konkurs-zashchitniki-otechestva-2026/
Конкурсха Эресейден сора да, Белорус Республикадан, Мисирден (Египетден), Молдовадан, Узбекистандан, Таджикистандан, Мозамбикден, КНДР-ден, Гвинеядан, Австралиядан, Боливиядан. Сингапурдан, Чилиден дагъыда башха талай къралдан суратчыла къошулгъан эдиле. Къуру Къыбыла Тегейден, быйыл биринчи кере болуб, 50-ден аслам сурат салгъан уста къошулуб, кеслерини чемерликлерин сынаб кёрдюле.
Алай бла, конкурсда хорлагъанланы алгъышлау къууанч джыйылыу хычаман (май) айны 6-да Хорламны музейинде бардырылды. Конкурсну Хорламны музейи бла «Защитники Отечества» кърал фонд «Активный гражданин» деген проект бла эмда «Активный гражданин – детям» платформа бла бирге, «Луч» компания, «Движение Первых», «Хорламны волонтёрлары», «Юнармия» бирлешликле, VK, «RUSSPASS» сервис, «Zartoy» къураб бардыргъандыла.
Бу джумушну тыйыншлы дараджада бардырыргъа «РИА Новости» информацион агентство бла «Звезда» телерадиокомпания, «ФедералПресс» медиахолдинг эмда «Аргументы Недели» газет болушхандыла.

Бокайланы Ф.