Арттотур (апрель) айны 25-де Пятигорск шахарда Алябьевни музейинде бизни джердешибизни эмда поэтибизни Дудаланы Муссаны окъуучула бла тюбешиую ётгенди.

Тюбешиуге КъЧР-ден да, Ставрополь крайдан да талай адам къошулгъанды. Дудаланы Мусса, кесини чыгъармачылыкъ джолуну юсюнден хапар айта, назмуларын окъуй, орусдан къарачай тилге кёчюрген чыгъармаларыны, джангы тамсиллерини юсюнден да айтды. Аны тышында, Муссаны назмуларын башхала да окъудула. «Къарачай – алан халкъ» джамагъат бирлешликни атындан Боташланы Дауутну джашы Сулайман бла Алийланы Борисни джашы Тамерлан да келиб, уллу бюсюреу этиб, Муссагъа саугъала бердиле. Мусса Алябьевни юйюню-музейини башчысы Елена Даниленкогъа, Кредо поэзия театргъа эмда аны башчысы Николай Прокопецке, Гитче Къарачай районну маданият насихатчыларына эмда аланы башчылары Орусланы Верагъа разылыгъын билдиреди. 

(БИЗНИ КОРР.).