Хурметли джамагъат!
Халкъыбызны тарих джуртуна къайтханы бла барыгъызны да таза джюрекден алгъышлайбыз.

Бу уллу сыйлы байрам миллетибизни джигитлигини, тёзюмлюлюгюню, урунууну сюйгенини, бир джумдурукъ бола билгенини белгисиди, джюрегини тазалыгъына, азатлыкъны сюйгенине, тойгъан джерден, туугъан джерни сайлагъанына шагъатлыкъды.
Биз бюгюн ата-бабаларыбыз джюзле бла джылланы джашаб келген джуртубузда, Минги Тауну этегинде джашайбыз. Аллах бизни мындан ары Ата джуртубуздан, шам тауубуздан айырмасын. Уллуну сыйын кёре билгенледен, гитчеге къайгъырыу танытханладан, хоншу миллетле бла ариу джашагъанладан, ашхы юлгю кёргюзгенледен, тилибизни, динибизни сакълагъанладан, алгъа иги къууум бла къарагъанладан болайыкъ.
Хар юйдегиге, арбазгъа къууанч, насыб кирсинле, тепсиле берекетден толсунла, стауатлада къарачай къойла, атла, малла айлансынла, Къобан сууубуз таркъаймасын, нарат хауабыз кирленмесин, тау джуртубузгъа кюн тийгенлей турсун, чууакъ кёгюбюзню къара булутла басмасынла.
Барыгъыз да саулукълу, узакъ ёмюрлю болугъуз. Джашнасын, джашасын Къарачай!

«Къарачай – алан халкъ» джамагъат бирлешлик.