Къарачай-Черкесия-ны сыйлы джамагъаты!
Барынгы да Къарачай халкъны джангырыу кюню бла алгъышлайбыз!

Хычаман айны 3-сю къарачай халкъны тарихинде энчи орунну алады. Ол кюн тюзлюкню, тёзюмлюлюкню, туугъан джуртха сюймекликни эмда кертиликни белгиси болгъанды. Кёчгюнчюлюкню джылларында къыйын сынауладан да ётюб, къарачайлыла ана тиллерин, маданиятларын, адетлерин сакълагъандыла.
1957-чи джыл къарачай халкъ туугъан джуртуна къайтханында, башха миллетле бла биригиб, Къарачай-Черкесиягъа ёсюм алдырыугъа аталгъан ишлеге тири къошулгъанды.
Бюгюнлюкде Къарачай халкъны джангырыу кюню Къарачай-Черкесияда джашагъанланы барын да бирикдиреди, рахатлыкъны, мамырлыкъны, бирликни белгисин кёргюзеди. Ол кюн тарихибизни сакълауну, бир-биринге сый бериуню, туугъан джерибизни тамблагъы кюнюне джууаблылыгъыбызны магъанасын да эсибизге салады.
Бу байрам кюнде республикабызда джашагъанланы барына да саулукъ-эсенлик, насыб, джетишимле теджейбиз.