Багъалы джердешле!
Барыгъызны да таза джюрекден Къарачай халкъны джангырыу кюню бла алгъышлайбыз.
1957-чи джылны хычаман (май) айыны 3-сю республикабызны тарихине тюзлюк орун алгъан кюнча ёмюрлюкге джазылгъанды. 69 джылны мындан алда, 14 джылны кёчгюнчюлюкде тургъанындан сора, къарачай халкъгъа туугъан джуртуна къайтыргъа эркинлик берилгенди.
Абадан тёлю къаджыкъмай уруннганы себебли къарачайлыла туугъан джерлерине къайтыр мадар табхандыла. Тыш джуртлада, къыйын болумлада, сабийлени сакълагъандыла, ана тиллерин, маданиятларын, тюзлюк орун аллыгъына ийнанганларын тас этмегендиле. Къарачай халкъны 30-дан артыкъ келечиси, урунууда джигерликлери ючюн, Ленинни ордени бла саугъаланнганды. Шыдакъланы Патия, Къобанланы Нузула, Абдуллаланы Тамара «Совет Союзну Джигити» деген атха тыйыншлы болгъандыла. Шекер чюгюндюр джыйыуда Шыдакъланы Патия салгъан рекордну бюгюн да киши джетелмегенди. Урунууда джигерлик танытыб, туугъан джуртларына къайтыр кюнлени джууукълашдыргъан джердешлерибизни барына да бюсюреу этебиз.
Бюгюнлюкде Къарачай-Черкесияда тюрлю-тюрлю миллетлени, динлени келечилери бир-бирлери бла шохлукъда, бирикмекликде джашайдыла. Биз бирге тамблагъы кюнюбюзню къурайбыз, ата-бабаларыбызны атлары унутулмазча этебиз, джаш тёлюню уллулагъа сый берирге, туугъан джерлерин эмда Ата джуртларын сюерге юретебиз.
Багъалы шохла! Хар юйде къууанч, берекет, мамырлыкъ орналсын. Абадан тёлю этген ишини хайырын кёрсюн, джаш тёлю уа бизни махтаулу тарихибизни джангы бетлерин джазсын. Барыгъызгъа да кючлю саулукъ, юйдеги насыб теджейбиз!
Къарачай-Черкес Республиканы Башчысы
ТЕМРЕЗЛАНЫ Рашид
Къарачай-Черкес Республиканы Халкъ
Джыйылыууну (Парламентини) Председатели
ИВАНОВ Александр
Къарачай-Черкес Республиканы
Правительствосуну Председатели
АРГУНОВ Мурат.
