КъЧР-ни МВД-ны кибер аманлыкъчылагъа къаршчы кюреш бардыргъан бёлюмюню къуллукъчулары Черкесск шахарда джашагъан 20 джыл болгъан джашны тутхандыла.

Ол, башха адамгъа берир мурат бла, республикада джашагъан 18 джыл болгъан биреуленден юч банк картаны алгъанды деб терсленеди. Джаш адамгъа РФ-ны Терслеу кодексини 187-чи статьясына кёре («Неправомерный оборот средств платежей») терслеу иш ачылгъанды. Бюгюнлюкде ол тутулуб турады.
Полицияны къуллукъчулары ачыкълагъаннга кёре, терсленнген джаш Черкесск шахарда 20 джыл болгъан студент къыздан да 10 минг сомгъа юч карта сатыб алгъанды.
МВД-ны къуллукъчулары карталаны сатханланы, аланы иелерин да тинтерикдиле.
Багъалы джамагъат! Кесигизни банк картагъызны биреуге берсегиз, сиз да аманлыкъ ишге къошулгъаннга – хыйлалыкъ этгеннге, законнга къаршчы иш этиб, ачха тюшюргеннге – саналасыз. Хайыр этебиз деб, башыгъызны отха салмагъыз.

КъЧР-ни МВД-ны пресс-къуллугъу.