Бу кюнледе Къобан районда 2025-чи – 2026-чы окъуу джыл школ спорт клубланы арасында бардырылгъан спартакиаданы тамалында стол теннисден республикан эришиуле ётгендиле.

Эришиулеге республиканы 9 районундан командала къошулгъандыла. Джаш спортчула тириликлерин, усталыкъларын, эришиулеге иги хазырланнганларын танытхандыла.
Алайды да, эришиулени эсеблерине кёре, биринчи орунну Къобан районну, экинчи орунну Джёгетей Аягъы районну, ючюнчю орунну да Хабез районну комадалары алгъандыла.
Эришиулени къурагъанла Къобан районну командасын хазырлагъан физкультурадан устазлагъа – Каппушланы Рустам бла Биджиланы Юсюпге – разылыкъларын билдиргендиле.

БИЧЕНЧИЛАНЫ У.