Арттотур (апрель) айны 23-ден 27-не дери Алушта шахарда ММА-дан Эресейни биринчилиги ючюн эришиуле ётгендиле. Алагъа къралны 66 регионундан 600 спортчу къошулгъанды.

Къарачай-Черкесияны спортчулары да эришиуледе атларын махтау бла айтдырыб къайтхандыла – эки алтын медаль бла бир джез медалгъа ие болгъандыла.
Алайды да, Шаманланы Тимур 67 килограммгъа дери ауурлукъда, Шаманланы Артур да 62 килограммгъа дери ауурлукъда алтын медаллагъа тыйыншлы болгъандыла. 73 килограммгъа дери ауурлукъда Хабланы Ислам джез медаль алгъанды.
Алай бла, Шаманланы Тимур ММА-дан Эресейни биринчилигинде ючюнчю кере хорлагъанды.
Спортчуланы эришиулеге Батчаланы Арсен хазырлагъанды.

(БИЗНИ КОРР.).