«Культура для школьников» деген ведомствола арасы маданият-окъуу проектни тамалында арттотур (апрель) айны 22-ден никкол (июнь) айны 15-не дери саулай Эресейде «Чудеса народных промыслов России. Олимпиада» деген акция бардырылады.

Аны «Центр культурных стратегий и проектного управления» ФГБУ бла «Российский фонд культуры» деген джамагъат-кърал бирлешлик бирге къурагъандыла. Алагъа РФ-ны Маданият министерствосу бла Билим бериу министерствосу болушлукъ этедиле.
Акцияны баш консультанты – джазыучу, «Удивительная Русь» китабланы автору, Эресейни онглу адамларына берилиучю «Гордость нации» деген II-чи джамагъат саугъаны лауреаты Жанна Андриевскаяды.
«Чудеса народных промыслов России. Олимпиада» деген акция Эресейни халкъларыны маданиятларын сакълар эмда белгили этер мурат бла къуралгъанды.
Интерактив халда бардырылгъан олимпиадагъа Эресейни школларыны сохталары къошулургъа боллукъдула. Анда ишле сохталаны джылларына кёре – гитчелеге (7-10 джыл), орта джылгъылагъа (11-14 джыл), абадан къауумгъа (15-18 джыл) – къуралгъандыла. Теджелген ишле да юч бёлюмге («тест», «иллюстрированные задания», «кроссворд») юлешиннгендиле.
Акциягъа къошулур ючюн, культурадляшкольников.рф порталда регистрацияны ётюб, тилек къагъытны толтурургъа керекди. Никкол айны 18-де, акцияны эсеблерин чыгъаргъан кёзюуде, хорлагъанланы атлары белгили боллукъдула.
«Чудеса народных промыслов России. Олимпиада» акциягъа къошулгъанланы барына да Жанна Андриевскаядан саугъагъа Эресейни халкъ усталыкъларына аталгъан раскраскала берилликдиле.

САЛПАГЪАРЛАНЫ Умар.