Хычаман (май) айны 1-де Къарачай-Черкесияны теле-къаласында Джазны эмда Урунууну байрамыны сыйына лампаладан этилген джарыкъ джазыула боллукъдула. Эресейни байрагъыча джанарыкъдыла.

Алайды да, медиафасадда Эресейни байрагъыны бояулары орун аллыкъдыла. «Хычаман айны 1-и. Джазны эмда Урунууну байрамы бла!» деген тохтаусуз бурулуб тургъа тизгин боллукъду. Республиканы байрагъыны бояуларыны юсюнде «Рахатлыкъ. Урунуу. Хычаман ай» деб джазылгъанны, РТРС-ни белгисин кёрюрге боллукъду, – деб хапар айтхандыла РТРС-ни филиалында.
Ингир бет алгъанлай бояулу шоуну башха шахарланы теле-каналлары да башларыкъдыла: Астраханны, Благовещенскени, Братскени, Брянскени, Великий Новгородну, Воронежни, Грозныйни, Иркутскени, Къазанны, Калининградны, Костроманы, Къызылны, Майкопну, Махачкъаланы, Мурманскени, Назранны, Нальчикни, Омскени, Оренбургну, Пензаны, Пермни, Дондагъы Ростовну, Самараны, Санкт-Петербургну, Саратовну, Симферополну, Сочини, Тамбовну, Тверни, Улан-Удэни, Уфаны, Челябинскени, Якутскени, Ярославлни эмда башха шахарланы.