Патент халда налогларын тёлеген энчи иш бла кюрешген табышлы адамла 2025-чи джыл 20 мелиуандан аслам хайыр тюшюрген эселе эмда заманында налогларын патент халда тёлериклерин билдирелмей къалгъан эселе, ол затны тюзетирге боллукъдула.

Алай демеклик, 2026-чы джыл арттотур (апрель) айны 25-де чыкъгъан 104-чю номерли федерал законда айтылгъанына кёре, энчи иш бла кюрешгенле 2026-чы джыл никкол (июнь) айны 1-не дери налог тёлеуню айтылгъан халда (тынч джолу бла) тёлериклерин билдирирге эркиндиле. Аллай джорукъгъа 2026-чы джылны никкол айында кёчерге да боллукъдула.
Ол законну тамалында налог тёлеуню джоругъун тюрлендирирге излегенле, быйыл никкол айны 1-ден кечге къалмай, налог органлагъа кеслерини оноуларын билдирирге керекдиле.