Республиканы джамагъатыны саулугъуна къайгъырыу баш джумушланы бири болгъанындан, аны бла байламлы адамлада аурууланы эртдерекден ачыкълар иннетде диспансеризацияны бардырыугъа айырыб уллу эс бёлюннгенини хакъындан КъЧР-ни Башчысы Темрезланы Рашид МАКС-да кесини каналында джазгъанды.

«Аякъ юсюнде узакъ ёмюр» миллет проектни тамалында, аны кибик, «Бирикген Эресей» партияны бегимлерин джашаугъа сингдире, профилактика ишге уллу ма
гъана бериледи.
Быйылны биринчи чагъында республикада 60 мингден аслам адам саулукъларын теренирек тинтдиргендиле. Алай бла, эки мингден аслам адамда джангы къозгъала башланнган ауруу ачыкъланнганды.
Медицина къуллукъчула эллеге айланыб, «Саулукъну поездлери» джер-джерге барыб, адамла кеслери джашагъан джерледе кеслерине къаратыргъа, саулукъларын тинтдирирге мадар табхандыла.
Айтыргъа, регионну къыйыр эллеринде джашагъан 10 мингден аслам адам медикледен болушлукъ табханды, консультация алгъанды.