Къарачай-Черкесияны багъалы джамагъаты!
Профсоюз организацияланы бирлешлигини атындан сизни 1-чи Май бла – Уруннганланы бир иннетлиликлерини халкъла арасы кюню, Джазны эмда Урунууну байрамы бла – алгъышлайма.

Бизни къралда Джазны эмда Урунууну байрамы 1918-чи джылдан бери белгиленеди. Андан бери ол уруннганланы, кеслерини ишлери бла джамагъатха хайыр келтирген, джашау дараджаны, тин байлыкъны ёсдюрген адамланы байрамы болуб келеди.
Белгилисича, РФ-ны Президенти Владимир Путин 2026-чы джылны Эресейни халкъларыны бирлигини джылы этиб баямлагъанды. Аны себебли, саулай къралда 1-чи Майгъа аталгъан акция «Эресейде уруннганланы бир иннетлиликлери – къралны бирлиги!» деген чакъырыу бла бардырыллыкъды. Эресейни бойсунмагъан (независимый) профсозларыны федерациясы (ФНПР) да митингле, джарыкълыкъ ишле къурарыкъды.
Профсоюзла къралны халкъларыны бирлиги, адамланы шохлукълары, бир иннетлиликлери ашхы нюзюрлеге джетерге, джетишимли болургъа мадар берликлерине ышанадыла.
Къарачай-Черкесияда джашагъанланы барына да саулукъ-эсенлик, насыб, мамыр джашау теджейме. Сюйген ишигиз бла кюреше, тамблагъы кюннге ышанмакълыкъ бла къарагъыз. Бу джаз Эресейге рахатлыкъ, юйдегилеге да джылыу келтирсин!

КъЧР-ни Профсоюзларыны бирлешлигини председатели Айбазланы Раиса.